Yasir Safi's Speak

میرے شیخ اکثر یہ جملہ فرمایا کرتے تھے کہ  اللہ تعالیٰ نے پوری کائنات کو انسان کے لیے بنایا اور انسان کو اپنی عبادت کے لیے پیدا کیا۔اگر انسان غور کرے تو کائنات کا پورا نظام اس کی خدمت میں مصروف ہے۔ چاند، ستارے، سورج، زمین، جانور، پرندے—سب کسی نہ کسی طرح انسان کو فائدہ پہنچا رہے ہیں۔ انسان کو اللہ تعالیٰ نے اشرف المخلوقات بنایا، اور پھر شیطان کو اسی انسان کو سجدہ کرنے کا حکم دیا۔ جب اس نے انکار کیا تو لعنت کا مستحق ہوا۔لیکن افسوس! آج یہی انسان اپنے ازلی دشمن (شیطان) سے دوستی لگا بیٹھا ہے، اور جس رب نے اسے بے شمار نعمتیں عطا کیں، اسی کی نافرمانی میں مشغول ہے۔ ذرا سوچیے!اگر اس دنیا میں کوئی شخص ہماری معمولی سی مدد کر دے تو ہم اس کے شکر گزار بن جاتے ہیں اس کا احسان نہیں بھولتے لیکن وہ مہربان رب، جس کا دیا ہوا ہم کھاتے اور پیتے ہیں، جس کی نعمتوں میں ہم ہر لمحہ ڈوبے ہوئے ہیں—ہم اسی کی نافرمانی کرتے ہیں۔اللہ تعالیٰ نے قرآن میں بار بار فرمایا کہ ہم تمہیں انفس اور آفاق میں اپنی نشانیاں دکھائیں گے۔ انسان اپنی ذات پر غور کرے—یہ ہاتھ، یہ پاؤں، یہ آنکھیں، یہ دل، یہ دماغ—سب رب کی عطا ہیں۔ مگر اف...